WILLEMSTAD,—-Hopi hende a bin ta puntra Vigilante Farándula kiko a para ku e programa di farándula “Do-Re-Mi Farándula”,ku a bin ta hala bastante atenshon riba e plataforma di FaceBook di Korant Vigilante Media Curaçao.

Ta asina ku Vigilante Farándula tin bon notisia i e bon notisia ta ku for di otro siman djaluna e programa di farándula “Do-Re-Mi Farándula”,lo bai ta aktivo kaminda ku e programa ta bai para ketu riba diferente aktividat nan ku ta bai tuma lugá den farándula aki na Kòrsou,kaminda ku e lo bai hiba kombersashon ku diferente organisadó i tambe promotor nan ku tin nan evento nan.

Fuente a bisa Vigilante Farándula ku djaluna awor mes e programa lo bai ta un programa hopi interesante. E programa su orario ta keda mes un kos,esta di 7 pa 8 or di anochi. Den e edishon nobo e presentadó di e programa ta bai hiba un kombersashon ku un persona ku ta metí den mundu di komedia. Pues keda pendiente pa djaluna awor kaminda ku e programa di farándula “Do-Re-Mi Farándula” ta bai bira un programa kaminda ku sigur tur hende lo bai bira mas sabi awe ku ayera.