Colibriweg unda Polis mester a bai.

Willemstad—- Polis mester a bai Colibriweg unda un arma di kandela i tambe bala a keda deskubrí den un kas.

Tabata den oranan di anochi ku a pidi asistensia di Polis ku urgensia na un kas den Colibriweg unda e habitante a deskubrí algu fuera di lo normal. Na yegada di Polis na e adrès a bin topa ku e habitante kual a splika ku e ta e doño nobo di e kas despues di a kumpra esaki . durante di tabata kontrolá e kas e la bin topa ku un arma di kandela i tambe bala pa e arma aki den e kas. E habitante a bai ku e polisnan pa asina mustra nan unda e la topa ku e arma i tambe munishon pa esaki. E polisnan mesora a pone  tim Forensiko na altura di loke nan a haña pa despues a konfiská e arma i tambe munishon. E kaso ta den investigashon.