Propietario di e marka cognac a entamá e kaso kontra komersiantenan lokal, pasó   tabata bende bòternan sin nan numbernan di identifikashon original.

WILLEMSTAD – Den un kaso sivil interesante, propietarionan di markanan renombrá internashonal Hennessy, MHCS i Polmos, a pèrdè kontra komersiantenan lokal Juluis L. Penha & Sons (Penha), Lunapark Minimarket B.V. (Lunapark) i Supermercado Luz B.V. (Goisco).

E propietarionan di e markanan di cognac, shampaña i vodka a entamá e kaso kontra e komersiantenan lokal, pasó esakinan tabata bende bòternan sin nan numbernan di identifikashon original. Korte a dikta ku den liña ku hurisprudensia, e propietarionan dje markanan no tabatin niun motibu fundá pa oponé e komersialisashon adishonal di bòternan ku kódigo. Asina a duna importansia na e importansia ku e legisladó ta mara na komèrsio paralèl, ku por ta opstakulisá pa e nòmbernan di identifikashon.

E desishon di Korte di djaluna último i ku Korte a publiká ayera ta sigui e liñanan di kasonan di e famoso kaso Diageo. E doñonan di marka ta pretendé ku kita e numbernan di identifikashon ta konstituí infrakshon riba nan derechonan di marka i di outor, i ku tambe por konsiderá komo un akto ilegal. Korte di Promé Instansia a husga sinembargo ku e leinan lokal, ku ta sostené e komèrsio liber di produktonan tabata mas importante ku un maneho estrikto di derecho di marka. Un aspekto krítiko di e kaso tabata e importansia ku Korte a duna na leinan lokal ku ta stimulá komèrsio liber. Korte a dikta ku e numbernan di identifikashon por kousa problema pa e tipo di komèrsio akí i ku e doñonan di marka no tabatin motibu bon fundá pa oponé nan mes kontra e benta dje bòternan sin e numbernan akí.

Korte a konstatá ku e kambionan físiko na e bòternan, kousá pa e kitamentu di e numbernan di identifikashon, tabata mínimo. Pa e motibu akí, Korte a konkluí ku e kambionan akí no tabatin impakto serio riba e reputashon dje markanan. Korte a rechasá argumentunan tokante posibel daño na salubridat públiko i otro interesnan. E desishon ta un rechaso dje demandanan di e doñonan di marka, kondenando Hennessy i e otronan konhunto na paga e gastunan dje proseso ku e komersiantenan lokal mester a hasi. Korte no a trata e rekisito kondishonal den kaso di un kontra-proseso, pasó e propietarionan no a kumpli ku e kondishonnan pa esaki.

Diageo

Ku e sentensia akí, hues a mustra di ta keda firme na un presedente hudisial importante den kasonan di marka, kaminda doñonan di marka ta konfrontá ku e desafionan di importashon paralèl. Manera menshoná, e disputa den e kaso akí ta similar na kasonan anterior tokante kitamentu di numbernan di identifikashon. Korte a basa su mes riba kasonan anterior, di kua e kasonan konosí Diageo, den kua un garantia di orígen komo funshon esensial di e marka tabata sentral. Korte a enfatisá ku a skohe e sistema di agotashon mundial pa hasi importashon paralèl liber posibel. Kitamentu di kódigo di identifikashon no a keda mirá komo un motibu bon fundá pa resistí, teniendo kuenta ku e importansha di importashon paralèl liber na Sint Maarten.

E sentensia ta menshoná spesífikamente ku e kambionan físiko di bòternan tabata mínimo i no a hasi daño grandi na e bon reputashon dje markanan. Korte a dikta ku no tabatin kambio relevante den opinionnan òf kondishonnan sosial tokante e kambionna, ku por hustifiká desviashon di e presedente. E doñonan di marka tabata deseá desviashon for di e presedente anterior, pero Korte a disidí otro. A enfatisá e obligashon di keda suheto na presedentenan basá riba argumentonan manera unidat di derecho, igualdat di derecho i seguridat hudisial.

Pero Korte no a mira motibu pa desviashon den e kaso akí. E sentensia resien ta konfirmá pues e balides i aplikabilidat dje presedente establesé anteriormente, ku kua a krea un kuadro mas kla relashoná ku kasonan den futuro pa loke ta trata markanan i importashon paralèl. E desishon akí ta suprayá tambe e relevansia kontínuo di konsistensia hudisial den disputanan manera esaki, i e importansia di mantené seguridat hudisial riba tereno di propiedat intelektual.