Back to Top
Responsive image
E korant di pueblo

Dos dama víktima di aksidente den bùs ke pa shofùr para responsabel


February 18, 2021 • 2 minüt pa lesa

Dos damanan kier pa e  shofùr di bùs asumí su responsabilidat.

Punda- Dia 14 di yanüari último den oranan di mainta a tuma lugá un aksidente den un bùs di rònt kaminda dos dama a  sufri leshon.

Ta trata di un aksidente unda dos dama tabata sinta den e bùs pa yega Punda i e shofùr mester a kue brek di gòlpi debí na un konvoi ku no tabata para na e lugá konserní. debí na e suseso aki e  dos damanan a sufri leshon  na garganta i tambe brasa. Tur dos a bai nan dòkter di kas despues di e aksidente pa por a risibí tratamentu. Personal di Forensys  ku a keda avisá a yega na e sitio pa asina por a hasi investigashon di e aksidente. E dos damanan a deklará na Vigilante ku nan mester a bai atendé ku e seguro di e shofùr di e bùs i a bin komprondé ku e bùs no ta sigurá. Ta trata di e bùs 13 ku ta kore e ruta di rònt i ku no ke para responsabel pa e dos damanan ku a sali leshoná den e aksidente. Ámbos dama ta den un situashon ferfelu na e momentunan aki mirando ku ya ta 1 luna i 3 dia kaba e aksidente a tuma lugá i for di e dia ei nan no por a bai traha. Ámbos mester paga nan hür di kas i tambe nan otro gastunan. Ora ku nan a aserka e shofùr esaki a bisa ku e mester tende serka ABC  Busbedrijf pa loke ta trata esaki, pero nunka mas a risibí un kontesta. E damanan víktima ta pidi pa e shofùr di e bùs para responsabel pa e aksidente. Nan a komprondé ku tur dia e bùs ta kore i te ainda no por atendé ku nan i asta ta kore  sin seguro.  E víktimanan a bai na Ministerio di VVRP pa asina wak ki yudansa nan por haña den e kaso.

Login