Back to Top
Responsive image
E korant di pueblo

Dos "DJ" ekspulsá pa falta di QR-Code


October 21, 2021 • 1 minüt pa lesa

Bapor Kibra– Outoridat durante kòntròl mester a ekspulsá dos tokadó di disko na Madero. Esaki den kuadro di kòntròl riba QR Code.

Durante di e kòntròl na aktividadnan di riesgo abou i aktividadnan di riesgo haltu, outiridat a realisá kòntròl di QR-code di tantu bishitante, , trahadónan, pero tambe Músiko i DJ nan.

E dianan aki ta kontrolando riba QR Code

Na Madero/Limani a konstatá ku e DJ no por a mustra e QR-code. Esaki a resultá ku inmediatamente a ekspulsáe persona aki for di e lokalidat.
Un otro persona a tuma e ròl di DJ, pero posteriormente a resultá ku e persona aki tampoko por a mustra un QR-code. Konsekuentemente e persona aki tambe a ser ekspulsá for di e sitio. A duna e manager un atvertensha.

Na Cabana Beach despues tambe aa hasi “spot check”. A resultá ku un bartènder no tabata disponé di un QR code. A ordená e trahadó aki pa bandoná e evenementu. Aki tambe a duna e manager un atvertensha.

Tim di Kòntròl ke aksentua ku e koperashon/boluntad pa demostrá QR code i ID a kana “smooth” durante e dos promé dianan.

Segun MEO tin bon koperashon pa mustra QR Code i informashon personal na e lokalidatnan


Login