Willemstad,– Djadumingu 12 di yüni 2022 alrededor di 20.40’or, Sentral di Polis a risibí yamada di departamentu di Imigrashon na Hato ku lo mester tin 2 hòmber di nashonalidat Hatiano ku a bini for di eksterior ku pasport falsu. Mesora a dirigí un unidat polisial na aeropuerto Hato a investigá e kaso.

Na aeropuerto e unidat di polis a hasi detenshon di e 2 hòmbernan sospechoso kende ta E.B. di 44 aña di edat i tambe C.D. di 37 aña di edat, ámbos nase na Haiti. Despues di nan detenshon, a presentá e dos sospechonan dilanti di un fiskal ouksiliar ku a ordená nan enkarselamentu pendiente di mas investigashon.