ROTTERDAM—Siman pasá Duana a interseptá dos lote di kokaina den haf di Rotterdam, ta trata di 46 i 42 kilo.

E droga tabata den kabaron i karni di fris. Djarason despues di un kontrol rutinario, Duana a deskubrí 46 kilo kokaina. E droga tabata den un konteiner prosedente di Colombia yena ku kabaron di fris. E kabaron tabata destiná pa un kompania na Spaña pero posiblemente e kompania no ta envolví den e kontrabanda, segun Ministerio Publiko. E lote di droga tin un balor di 3 mion euro segun Ministerio Publiko. Djadumingu tambe Duana a interseptá un lote di 42 kilo di kokaina durante kontrol den haf Rotterdam.

E droga tabata den un konteiner ku karni fris prosedente di Brazil ku destinashon haf di Rotterdam. E droga tabata den un konstrukshon di konteiner i destiná pa un kompania na Dordrecht. Segun Ministerio Publiko e kompania aki no ta envolví den e kontrabanda. Balor di e droga riba kaya ta 3,1 mion euro segun Ministerio Publiko. E team di FIOD, Duana, polis di haf i Ministerio Publiko ta enkargá ku e investigashoin. Entretantu, a destrui e droga.