Raymond Gradus

Punda— Kòrsou ta bai konosé dos kambio den maneho di institutonan stratégiko. Ámbos di e nombramentunan ta relashoná ku ehekushon Lei di Konsenso di Polis i Lei di Konsenso Finansiero Ta trata di Team Chef nobo pa RST i presidente di Cft. Ámbos nombramentu ta bolbe habri e diskushon dikon Hulanda no ta permití yunan di Kòrsou kapasitá den e posishonnan.

E organisashon di RST pronto tei anunsiá ku e dama Anita Rietstra ta bira e Team Chef nobo na RST. Riestra ta remplasá Helmoed Wiedstra, kende a kumpli ku su temporada di 3 aña. Riestra ta bini Kòrsou despues di tabata mas ku 6 aña envolví en e organisashon di Pro Rail. Den un entrevista na Hulanda e la konfirmá e notisia alegando di “no por laga un chèns asina aki bai”. Rietsra promé di a traha na Pro Rail tabata Komisario di Polis. Riestra a anunsiá riba su plaformanan sosial di ta Hefe RST Cariben. Te ku 2012 e tabata shef di polis den region nort di Hulanda pa despues bai traha na siudat  di Den Haag komo direktor Servisio Urbano. Na 2016 e la asosiá su mes na Pro Rail.

E posishon di Team Chef RST tabata ampliamente diskutí for di 2010. E problema ta ku hefe Lokal di Kuerpo di Polis no tin niun outoridat ni tampoko kòntròl riba su maneho. Aparte di Hefe di Polis, Minister di Hustisia tampoko no tin muchu influensha den lokual e team chef di RST ta hasi. Esaki nunka, Minister di Hustisia no tabatin poder ehekutivo riba e hefenan ulandes oropeo na RST.

Entretantu a bisa konosí ku den seno di Cft tambe ta bin kambio. Konseho di Minister di Reino i tambe Konseho di Minister di Hulanda, pa loke ta trata Hulanda Karibense, a nombra drs. Lidewijde Ongering komo presidente nobo di e tres Kolegionan di supervishon finansiero entrante 1 di febrüari 2023. Di e manera aki e ta sigui prof. dr. Raymond Gradus, kende tabata presidente di e Kolegionan for di 1 di yüli 2017.

Djabièrnè 27 di yanüari 2023 a nombra señora Lidewijde Ongering presidente nobo di e tres Kolegionan di supervishon finansiero entrante 1 di febrüari 2023. E tin un trayektoria ekstenso den un gran kantidat di departamentu na Den Haag, entre otro na esnan di Asuntunan Interno i Relashon den Reino, Infrastruktura i Maneho di Awa, i Asuntonan Ekonómiko i Klima. Den e delaster dos departamentonan aki el a ehersé e funshon di Sekretario General. Durante su karera den Ministerio di Salú Públiko, Bienestar i Deporte el a ehersé e funshon di Direktor di Asuntunan Finansiero i Ekonómiko. E ta sigui Raymond Gradus, kende tabata Presidente di Kolegio di supervishon finansiero di Kòrsou i Sint Maarten, di Kolegio di supervishon finansiero di Aruba i di Kolegio di supervishon finansiero di Boneiru, Sint Eustatius i Saba durante mas di sinku aña i mei. Prof. Gradus ta mira atras riba un periodo intensivo. Cft, tin 12 aña a kontrolá Finansas Públiko di Kòrsou i nunka un yu di Kòrsou no tabata den e posishon di presidente. Gradus tabata bon konosí na Kòrsou. Esaki debí na presensha durante ruedanan di prensa den kantor di Cft na Otrobanda. E Lei di Konsenso Supervishon Finansiero ta guia funshonamentu di Cft na Kòrsou i na St. Maarten.