Nada: e akusado Francua Junny Boekhoudt , nase na Kòrsou riba 20 Novèmber 1986 no a bisa muchu kos djabièrnè último.

Nieuwe Haven— Francua Junny Boekhoudt , nase na Kòrsou riba 20 Novèmber 1986 i Johandry Pasqual nasé na Kòrsou riba 20 òktober 2000, ta e dos hòmber sospecha di a benta kurpa di un dama na Westpunt. Djabièrnè último, korte a trata e kaso den formalidat sin bai den kontenido, ámbos no tabatin “nada di bisa”.

Aparte di no tabatin nada di bisa, tin indikashon ku e hòmbernan no ta riba mesun liña. Durante vigilansha pa drenta i sali den korte, unu di nan a súplika e polisnan pa separá nan salida. Esei ta indikashon ku “tin problema”. Ta trata di e kaso ku  riba 29 di febrüari 2024 a bin deskubrí kurpa di un dama bentá den mondi na Westpunt.Tabata trata di  Francisca Duveanna Keely Nadien Arrindel, nasé na Kòrsou dia 22 di yanüari 1992 i bibá na Kaya Koko Le Pol. Segun e fiskal e investigashon no a konkluí. Mester finalisá e informashonnan polisial pa formalisá, mester averiguá tambe ku si e akusado Francua tabata traha na Kura Hulanda, ainda ta investigando e fotonan na sitio di delito pa dokumentá, investigashon riba rasgonan i pista di sanger ta den proseso, falta ainda algun rapòrt tékniko i tambe ta trahando riba deklarashon di dos testigu kendenan a mira e vehíkulo di e akusadonan stashoná na e sitio di delito. Finalmente segun e fiskal, falta tambe rapòrt di reklasering. Korte ta trata e kaso bek riba 13 di sèptèmber 2023 pa mitar dies mainta.

Manera relatá, e dos sospechosonan, , a presentá dilanti hues mr. Bracht pa un tratamentu preliminar pa kumplimentunan di formalidat. E kaso no a bai den kontenido. Fiskal mr. Monique Dennaoui a splika korte e motibunan dikon ainda e kaso no por yega pa tratamentu. Tin investigashon ainda ta andando segun e fiskal. Ta trata di un krímen unda e dos hòmbernan ta akusá di asesiná un dama i skonde e kurpa. Ministerio Públiko ta sospecha ku nan a hinka e dama mata riba 26 di febrüari i tres dia despues testigunan a bin deskubrí Arrindel sin señal di bida tapa den mondi.

Kòrsou a keda di shòk riba djaweps 29 di febrüari 2024 alrededor di 10.49’or di mainta, Sentral di Polis a risibí informashon ku tin un dama ku no ta duna señal di bida den área di Playa Gipy na Westpunt. E unidat ku e yega na e sitio a tuma nota di e dama den e mondi ariba menshoná i ku señalnan di violensia na su kurpa. Riba ret a sosial durante algun di a sirkulá foto di e sospechoso Francua i tambe algun mensahe oudio ku durante tratamentu riba 13 di sèptèmber lo keda aklará.