Back to Top
Responsive image
E korant di pueblo

Dosentenan di skol ta buskando aparato digital ya algun studiante por sigui lès virtual


April 15, 2021 • 1 minüt pa lesa

Willemstad,– Awe gobièrnu a duna di konosé ku tur medida lo keda na vigor te fin di luna. Por tuma nota ku e medidanan aki tin efekto riba enseñansa i awor dosentenan ta birando kreativo kon pa sigui duna lès durante e lockdown aktual.

Solamente studiantenan den klas di èksamen na skol básiko i skol sekundario por sigui lès na nan skol, pero tur sobrá studiante mester sigui nan lès riba un forma virtual via di e aplikashon di ZOOM. Un problema ku skolnan a haña nan kuné ta e aspekto ku no ta tur studiante tin akseso na internèt òf un aparato digital pa por sigui lès riba un manera virtual.

Pa evitá ku studiantenan haña un retraso den nan enseñansa, dosentenan a kuminsá buska aparatonan digital serka nan mes famia i otro ser’ kerí nan. Por tuma nota tambe ku riba Facebook kaminda diferente skol i dosente ta sumamentu kontentu ku e donashon nan di spònsernan privá.

Apesar ku ketubai tin studiante ainda ku no por sigui nan lès riba un manera virtual. E dosentenan ta hasi un yamada na tur mayor ku si akaso nan tin aparatonan digital bieu pero ku ta traha ainda, porfabor tuma kontakto ku skol di nan yunan pa wak kon nan por yuda ku esaki. Aparatonan digital manera “smartphone”, kòmpiuter òf tablet tur por yuda.

Login