Back to Top
Vigilante banner image

Dr. Ashley Duits: Den e bakuna di Moderna no tin sanger aden


April 26, 2021 • 2 minüt pa lesa

Willemstad— Dr. Ashley Duits a splika ku tin rumornan rònt unda ku ta bisa ku den e bakuna di Moderna tin sanger aden, e la splika ku esaki no ta kuadra i ku den e bakuna di Moderna ta solamente vèt, awa i informashon genétiko tin.

Segun Dr. Ashley Duits den e bakuna di Moderna no tin niun klase di sanger i esaki ta algu hopi importante pa bisa, lokual ku tin den e bakuna ta un produkto kaminda tin vèt i awa i informashon genétiko pues no tin nada di aber ku tin sanger aden. E bakunanan ta di un manera diferente traha kemen lokual ku nan a mira tambe ta ku tin algun persona i ku sierto denominashon ku ta bisa nan no ke sierto bakunanan kaminda ku tabatin sélulanan uza di un feto kaminda esei a wòrdu produsí.

Si esaki ta e kuestion e bakunanan di Moderna i Pfizer ku e keda uza na Kòrsou na niun manera no ta wòrdu produsí ku e sélulanan ei tampoko. Esaki ta algu ku tambe ta wòrdu papia i ku tambe nan a risibí preguntanan basa riba dje. Tin diferente téknika pa traha  i esunnan ku Kòrsou a haña awor aki ta esunnan mas nobo i esaki nan su manera di produsí nan ta un kapasidat kompletamente diferente. E manera di traha ta pone ku e tin un efektividat grandi asina.

Tambe e la splika ku hopi hende ta hasi manera ku Siensia i Religion no por kana huntu, i ta hasi manera nan ta diferente i p’esei semper mester hasi algu. E kosnan no ta asina na sierto momentu e kos a presentá su mes pero si mira den religion katóliko unda ku hopi biaha man mester wòrdu laba esaki ta un tradishon di laba man di kual ta unu hopi bieu. Esaki ta bini kasi sigur di e temporada hopi antaño unda ku hende tabata malu ta e religiosonan tambe tabata bai pa yuda i e hendenan a kuminsá realisá ku sigur den malesa kontagioso ku no ta awor aki so tabata konta pero den tempu nan antaño hopi a konta tambe

Nan a siña di laba man promé ku dil ku un pashènt òf ora ta dil ku un hende malu anto e ora ei bo ta mira ku e tradishonnan ei a keda. Tabatin un interpretashon di “Galileo” ku no tabata riba mesun liña ku a trese basta problema ku Papa Juan Pablo II a yuda kuné. E ke  splika esaki paso ta krea e impreshon manera ku sea bo ta kis pa bo religion f ta kis pa siensia anto esaki no ta nesesario.

Login