KURA PIEDRA Polis a keda dirigí pa un kas den Stenen Koraal Kaya F unda a tuma lugá un kaso di atrako riba un famia unda a bai ku dos telefòn i algun pertenensia.
Tabata den oranan di atardi ku dos atrakadó mester a yega ku nan kurpa kompletamente kubri ku paña na e kas den Stenen Koraal Kaya F. E duo aki lo mester a yega den outo marka Kia Picanto ku glasnan di plak na e kas den Stenen Koraal Kaya F i bou di menasa a atraká e habitantenan. Bou di menasa a bai ku dos telefòn selular i algun pertenensia mas. Durante di un búskeda den e área, Polisnan a señalá un outo marka Kia Picanto para den drive thru di Mc Donalds, despues di a tene un kontròl riba e dos personanan kual ta un hòmber i un dama a laga nan bai. Tim di atrako ta kontinuá ku e investigashon di e kaso aki.