Di pafó por tuma nota kaba ku e instituto  ta den mal kondishon.

Nieuwe Haven,– Durante tratamentu di e kaso di e akusado  Eugene Carti unda  wes a kondená e hòmber pa intento di ladronisia, Wes de Kort a duna di konosé ku no por mand’é Brasami debí ku e instituto lo sera dia  1 di Aprel próksimo.

Wes a kondená Carti riba intento di ladronisia na un hotel den Pietermaai. Reclassering a duna di konosé ku e hòmber tin un historia di uso di droga i asina e por bin na remarke pa keda den Brasami. Wes De Kort a bisa Fiskal ku e hòmber no por bai Brasami debí ku e instituto aki lo sera pa 1 Aprel 2021.

Fundashon Brasami ta un klínika konosí pa yuda persona nan ku tin problema ku adikshon. Pero debí na falta di supsidio e instituto aki lo sera 1 di Aprel próksimo.

Vigilante a tuma kontakto ku Minister di hustisia i el a duna di konosé ku e no ta na altura riba esaki. Wes De Kort ta e wes ku a bisa esaki durante tratamentu di e kaso. Fiskal ku a trata e kaso tampoko no tabata na altura di esaki.