Back to Top
Responsive image
E korant di pueblo

E asuntu di korum aki lo bira un asuntu di Reino


January 20, 2021 • 1 minüt pa lesa

Willemstad,– Presidente di parlamento señora Ana Maria Pauletta ta splika ku dia 25 di yanüari próksimo tin un reunion i tin diferente reunion mas pa ser yamá i pa e motibu aki lo sinta ku griffier pa programá e agènda di reunion kuminsando dia 25 awor. E ta bisa ku tin 20 miembro pues lo no por sigui reuní riba kosnan nobo. E ta bisa ku ta dependé di e proseso, paso den yüli ougùstùs aña pasá a pasa mester a kana hinter un proseso paso no tabatin korum i ku esaki redundá den un kaso den korte kaminda hues a dikta den e tempu ei pa un miembro kumpli ku su deber di parlamentario i firma korum i esei tabata na momentu ku señor Elhage mester drenta.
Señora Pauletta ta bisa ku lo kontinuá pa yega na un momentu ku funshonamentu di e órgano ta asina stroba ku e suidadano ku tin un representashon a base di elekshon liber no ta wòrdu kumpli segun areglo di estado. “E lo bira un asuntu di reino. Ta esei tin kologá riba nos kabes i ku niun hende lo no kier pa nos haña un aanwijzing”, asina Ana Maria Pauletta a duna di konosé.
E ta bisa ku e ta spera ku sano huisio lo prevalesé pa asina parlamento lo por sigui funshoná. E ta bisa ku ta spera ku koleganan lo presentá pa por kontinuá ku reunionnan di parlamento i tambe reunionnan di komishon fiho.
Segun señora Pauletta si kosnan sigui asina e ta kere ku gobernadó lo hasi meskos ku biaha pasa i lo pidi parlamentarionan pa kumpli ku nan trabou.

Login