Back to Top
Responsive image
E korant di pueblo

E lokalidat ta bai ta na Sambil: Gysha Sulvaran ta bai kuminsá ku “KONTENTU”


October 12, 2021 • 1 minüt pa lesa

E momentu di firmamentu ku a tuma lugá ayera mainta na Sambil.

WILLEMSTAD,—-No ta bai dura mashá ku mundu di media di tantu lokal i internashonal, lo bai kuminsá un plataforma nobo, ku ta bai hiba di nòmber “KONTENTU”.

T’asina ku Vigilante Farándula a tuma nota di e informashon menshoná riba e plataforma di facebook i mesora a drenta den kontakto ku gerente di Vigilante ku ta Lilo Sulvaran, ku mester bisa a kontestá e yamada mes ora.

Vigilante Farándula a puntr’é, kiko e por bisa di loke ku a halando bastante atenshon riba facebook, unda Lilo su kontesta tabata “Te mañan ku Dios ke”.

E no kier a duna ningun sorto di deklarashon. Esaki a pone mesora ku Vigilante Farándula a drenta den kontakto ku Gysha Sulvaran ku ta yu muhé di Lilo Sulvaran, kaminda ku Gysha a duna di konosé ku “KONTENTU” ta para pa “Content made for you”.

En prinsipio nos ta bai focus, nos ta enfoká riba produkshon di kontenido positivo, p’esei e nòmber ta “KONTENTU”. Nos ta djis un kompania ku ta produsí kontenido i e lokalidat lo bai ta na Sambil”.

Riba e potrèt por mira na momentu ku Gysha Sulvaran ta pone su firma i tambe por tuma nota ku Lilo Sulvaran ta pendiente pa bai pone su firma i Gyasi Sulvaran ta pará komo testigu na e momentu importante ku a tuma lugá ayera parti mainta na Sambil.

Login