Hato– Kòrsou ta un isla ku ta yen di hermosura, pero kiko si bo por fásilmente por ekspandé bo horizonte i haña oportunidat na otro partinan di mundu?  Azul Airlines ta ofresé buelonan dirèkt semanal entre Kòrsou i Fort Lauderdale. Awor ta e tempu perfekto pa eksperimentá tur loke Florida tin pa ofresé. For di  oportunidatnan di negoshi te hasimentu di kompras, tin monton di rasonnan pa hende di Kòrsou pa tuma bentaha di esaki. Ata esnan di mas importante:

1. Hasi Negoshi na Fort Lauderdale

Fort Lauderdale no ta solamente un destinashon turístiko popular, e ta tambe un hub di negoshinan den kresementu. Pa e Yu di Kòrsou,  ku tin interes pa un negoshi na Estádos Unídos, tin un diferensia grandi ku ora bo por haña akseso dirèkt via Fort Lauderdale. Si bo ta buskando sosio kompanianan, òf mester asistí na konferenshanan òf simplemente ta eksplorá merkadonan nobo, Fort Lauderdale ta e lugá ideal pa ekspanshon pa vishonnan di negoshi. E industrianan ku ta krese den e siudat, inkluso teknologia, inmobilaria, i turismo, ta ofresé monton di oportunidat pa empresarionan di Kòrsou i kompanianan ku ta buska un spasio pa konektá i ekspandé nan presensia den e merkado Estado Unidense.

2. “Shop” na Sawgrass Mills

Fort Lauderdale ta un destino perfekto pa un famia ku kier “shop”, esta hasi kompras. Por ehèmpel pa famianan di Kòrsou ku ta prepará pa aña eskolar, un bishita na Sawgrass Mills Mall ta esun ideal.  Ta trata di un di e “mallnan” i  “outlet” mas grandi na Estádos Unídos. Un buelo riba Azul lo por ta e oportunidat perfekto. Bo lo haña tur kos ku bo mester—material ‘pa skol, bistí . produktonan elektróniko i tur na deskuentonan inkreibel. Ku riba 100 pakus i “outletnan” di markanan famoso, ta un eksperiensha pa shop na Saw Grass Mills. Ademas, bo lo disfrutá di tur e opshonnan di restorant i entretenementu ku Sawgrass Mills ta ofresé.

3. Mas serka di e Parkenan di Atrakshon na Orlando

Fort Lauderdale no ta solamente un “hotspot” pa shop i negoshi. E ta un punto ideal pa kore bai e parkenan temátiko famoso di Florida. Pa e YDK ku ta gustá bishita Disney World, Universal Studios i demas otro parkenan na Orlando. For di Fort Lauderdale ta solamente dos ora pa yega Orlando. Esaki ta hasi Fort Lauderdale un suidat atraktivo pa drenta Estados Unídos. E ta mas kumbiniente pa un vakashon familiar. Ademas, pa algun tempu tin e trein ku ta konektá te na Orlando, unda por abordá for di Fort Lauderdale tambe. E trein ta birando hopi popular pa bishitantenan di Fort Lauderdale.

4. Evitá di pèrdè tempu na Imigrashon  Miami

Ta konosí ku na Miami, e proseso di “clear” na imigrashon ta un pesadia. Ku un buelo direkt riba Azul pa Fort Lauderdale, e pasahero di Kòrsou por skapa tempu, evitando reinan largu na inmigrashon di Miami. El Aeropuerto International di Fort Lauderdale-Hollywood ta mas chikí, mas fásil i generalmente ta tene un tempu di espera mas kòrtiku.

5. Terminalnan de Barku Krusero na Fort Lauderdale

Fort Lauderdale ta konosí komo e Kapital di Krusero na Mundu. Un gran kantidat di barku di krusero ta preferá Fort Lauderdale pa nan terminalnan di último teknologia. Pa pasahero di Kòrsou ku ta gusta pasa vakashon riba barkunan krusero den awanan karibense, Fort Lauderdale ta e mihó opshon. Via di Fort Lauderdale Kòrsou ta konektá pa tin akseso rápido na un gran kantidat di liñanan krusero. Azul ta brinda buelonan dirèkt  di Kòrsou pa

6. Messi ta hunga futbòl na Fort Lauderdale!

I si bo mester otro motibu pa bishita Fort Lauderdale, Lionel Messi ta unu. Yegada di e legendario futbolista pa Inter Miami, ta hunga nan weganan di kas den Chase Stadium, na Fort Lauderdale. E bon notisia ta ku e weganan pa temporada aktual no ta “sold out”. Fanatikonan di futbòl mester probechá mas lihé posibel pasobra pronto Inter Miami ta bai hunga su weganan na Miami

Konklushon: Bo Portanan pa Estádos Unídos ta via Fort Lauderdale

Azul Airlines ta ofresé un buelo dirèkt semanal for di Kòrsou pa Fort Lauderdale. Esaki ta kumbiní e yu di Kòrsou biaha ku Azul pa drenta Florida.  Hasi bo reservashon awor i tuma bentaha di tur oportunidatnan ku ta spera bo na Fort Lauderdale!

Gbiz Solutions ta organisá seshon di informashon riba Fort Lauderdale

KONTENTU- Ayera atardi den studionan di KONTENTU na Sambil Gbiz Solutions i su gerente general Elvis Reynoso a tene un seshon di informashon riba Fort Lauderdale . Durante e seshon di informashon a tene presentashon representantenan di Azul Airlines, huntu ku ekspertonan den promoshon di e siudat. Tabatin un grupo grandi di invitadonan. Den nos siguiente edishonnan, lo bai amplia riba e presentashonnan interesante di e seshon di ayera atardi.