Back to Top
Vigilante banner image

E promé bakunanan lo ser duna na pèrsonanan den grupo di rísiko


January 13, 2021 • 2 minüt pa lesa

Willemstad,– Señora Iralis Jansen a splika durante konferensha di prensa ayera ku un grupo a keda instituí pa hasi tur loke ta trata bakunashon.

Den e grupo tin diferente sientífikonan, Botikario, Komunikashon i informashon, Epidemiologia i investigashon, Finansa, Aktual programa di bakuna nashonal, salubridat hubenil, dòkter di kas, infectieziektebestrijding, hurista, tim stratégiko di Covid-19 , logístika, maneho di krísis i siguridat.

Señora Jansen ta sigui bisa ku e bakunanan ku Kòrsou ta bai haña tin hopi protekshon rondó di nan, paso na mundu no tin hopi bakuna.

A pasa den diferente trayekto, a hasi stakeholder meeting i ayera e vrizer i e frishidèr a yega pa warda e bakunanan i ku esaki a kuminsá aki e programa di bakunashon.

Mester validá tur  e cooler i e frishidèr nan aki i e simannan ku ta bini lo hasi esakinan, despues ta bini personanan  di Hulanda pa duna trenen kon ta pasa  e proseso di bakunashon.

Despues bo ta simulá hinter e  proseso pa wak si tur kos ta kana bon promé ku kuminsá bakuná bo komunidat.

Kòrsou mester kumpli ku for di momentu ku e bakuna sali Hulanda te ora e yega Kòrsou mester wak si e temperatura ta keda optimal. Mester warda Pfizer por ehèmpel na -80 grado, pues for di ora e sali te ora e yega na  e kaminda ta bai duna bakunashon e mester por keda asina.

No ta bai tin vakuna pa tur hende, bo ta usa e informashon mihó ku bo tin na e momentu ei.

Señora Jansen ta sigui bisa ku semper bai den Covid, nos a purba wanta Covid afó, na momentu ku Covid a drenta a trata di kuida e grupo vulnerabel i sigur bon tin ku wak pa bo kuido general por sigui. E ta bisa ku den e kaso di bakuna lo no ta otro. E promé vakunanan lo ser usa pa e grupo vulnerabel. Pero mester sòru tambe pa e kuido por sigui. Pues personanan riba 60 aña ku ta un kantidat di 39.478 pèrsona, personanan di 18 aña i mas ku tin malesa króniko ku ta 27.500 hende i trahadónan den kuido ku ta 3.500 persona.

E grupo ku sigur lo no bini na remarke pa risibí un bakuna ta muchanan bou di 16 aña i tampoko hendenan muhé na estado.

E ta bisa ku niun kaminda bo no por obligá niun hende pa tuma e bakuna, ta duna informashon korekto i konfiabel pa kada persona por tuma su mihó desishon.

Lo bai mèldu e personanan ku por bini na remarke pa e bakuna i a pèrsona mester registrá.

Un punto importante di Pfizer ta ku ora un hende kaba di bakuna bo mester opserv’é i tambe mester por revisá si tin bijwerking di e bakuna i pa esei lo traha estrecho ku dòkternan di kas.

E programa di bakunashon no kiermen ku nos ta kla. Komunidat tambe mester kumpli ku nan parti  keda apliká tur e reglanan pa ku Covid, pues usa Tapa Boka, keda mantené distansia i sigui  laba man ku habon. E ta bisa ku haña bakuna no ta nifiká ku tur kos por bai bèk normal.

Login