Back to Top
Vigilante banner image

Ekonomia di Kòrsou lo sigui malu durante promé kuartal


January 9, 2021 • 1 minüt pa lesa

Ketu: Punda tabata ketu durante 2020. Durante promé kuartal di 2021 lo no tin un diferensha.

Punda— Durante promé kuartal, ekonomia di Kòrsou lo sigui malu. Prinsipalmente konsumo kolektivo lokal lo bira ménos afektando benta di negoshi chikí i mediano. Fondo di Sosten prosedente di Hulanda ta plania pa manda por lo ménos 300 mion mas promé ku mart 2021, pero esei ta destiná pa mayoria den sektor públiko., manera tabata e kaso durante 2020.

Tei tuma por lo ménos 6 luna promé ku ekonomia di Kòrsou por kuminsá sali fo’i den reseshon. Pa lokual ta trata Kòrsou, e sektor turístiko ku ta perkurá pa kasi 32% di e produkto brutu nashonal di Kòrsou, lo sigui “dormant” durante. Por lo pronto, miéntras nos isla tin kasonan di Covid-19 lo no tin turista tei biaha pa vakashon. Ku bunkering na Bullenbaai abou, ta bini un sla adishonal di 18% i huntu ku refineria kual ta perkurá pa 7%, Kòrsou por haña ku un retraso ekonómiko makro di riba 50%. Pa yüni 2021, ta spera Refineria Isla kuminsá drai parshalmente. Esaki por yuda durante segundo mitar di 2021. Pa 2020 tin un retraso ekonómiko kalkulá di kasi 2500 mion na 210 mion mensual. Un retraso imposibel pa rekuperá sin reservanan finansiero, ta lokual Kòrsou no tin. Pa tal motibu, si Ulanda no manda sèn, e reseshon por resultá den un depreshon ku por kousa dañonan ekonómiko desastroso pa nos isla. Kestion lo bira kon gobièrnu ke implementá nan plan di rekuperashon i pagamentu bèk na Ulanda.

Login