Back to Top
Responsive image
E korant di pueblo

Eks promé minister Schotte ta hòmber liber


November 30, 2020 • 1 minüt pa lesa

Willemstad,– Bastante ta e famia, amigu simpatisadónan di e èks promé minister i èks lider di partido MFK, señor Gerrit Schotte kendenan a akudí den área di Koraal Specht ayera mainta pa saludá señor Schotte na momentu ku el a  rekobrá su libertat for di SDKK. Señor Schotte a sali liber sin banchi mirando ku ya el a sinta 2/3 parti di su kastigu ku tabata tres aña.

Durante un entrevista kòrtiku ku señor Schotte a tene ku miembronan di prensa ayera, el a splika ku e no ta bai papia tokante di prizon awor aki, pero solamente e por bisa ku kosnan no ta bon den e instituto aki.

Schotte a bisa ku e dianan aki e lo dediká na su yunan i ku sigur ayera e lo mester a bai komo un kuminda indio huntu ku su yunan i sigur e lo kier a bebe un kòfi di kas.

Schotte a bisa ku na momentu ku e kaba di atendé su kosnan, pueblo lo bai tende di dje sigur. El a pidi tur esnan presente pa kuida nan kurpa i tene distansia sosial pues pa preferiblemente no bras’é ni saludá dunando man. Despues di a kaba di papia ku miembronan di prensa, Schotte a drenta outo di su abogado Lizaima d/c Gomez i a bandoná e área huntu ku su ruman muhé Silvia i tambe si amigu Andy. Un karavana a sigui tras di e outo ku tabatin señor Schotte den dje pasando den e bario di Koraal Scpecht.

Login