Willemstad— Segun un instruktor pa yega na reibeweis ku  últimamente ta pasando basta  trabou pa yega  entrada mirando ku no por duna un servisio optimal djis pa e manera kon gobièrnu no tin ofisina di reibeweis na pechu.

Ya pa años na  e ofisina di reibeweis ta 1 eksaminadó so tin ta traha.  Pa yuda e eksaminadó aki nan a buska eksaminadó ku ya  a baha ku penshon bin yuda na lugá di tuma trahadó nobo.

Debí ku kada bes nan kontrakt ta kaba,  ta dura 6 luna pa eksaminadónan penshonado nan aki bin bek pa sigui traha. Esaki ta pone ku  durante e tempu ei ta akumulá mas  kandidato pa pasa eksamen  i fechanan ta kuminsá kai luna nan mas leu.

Banda di usa penshonado tin otro problema ku ta usando eksaminadónan  ku ya no ta kapas pa duna un eksamen optimal. Tin un di e penshonadonan aki ku ta buska kiko ku ta pa drùip tur   kandidato ku bin pa pasa eksamen segun e instruktor. E mener aki tin mas di 70 aña i e tin problema visual i hopi ta remarka ku ya e no ta  kapas mas pa duna ningun eksamen, mirando ku e tin problema ku bista.  ( asta tin instruktor ku ta pensa ku ta pa malu e ta hasi esaki). Na vários okashon  a aserka señora Regina i señora Hadocks di Kranshi pa ku e problemátiko aki  pero nan ta bisa ku tanten gobièrnu no tin sèn no por tuma hende pa hasi e trabou. Segun e instruktor su pregunta ta, ta di unda ta paga e penshonadonan aki si?

 Por a asta komprondé ku riba e plan di maneho di ofisina di reibeweis tin 8 espasio pa tuma eksaminadó pero te ku dia di awe esaki no a tuma lugá. Ta spera ku e Minister konserní por tuma nota di esaki pa mas lihé remediá e problema aki.