DEN BOSCH—Na Den Bosch polis a haña notifikashon di un eksplosivo den un establesimentu ku a kibra tur bentana.

Esaki a tuma lugá den un edifisio na Oude Engelenseweg. Ta di tres eksploshon den un siman den Den Bosch. Den anochi di djadumingu pa djaluna por a tende un eksploshon serka di un supermerkado na Oude Vlijmenseweg kaminda a pega un kliko na kandela. E anochi despues tabatin otro eksploshon serka di un supermerkado na Churchillaan. Segun polis ta trata di vürwerk peligroso ku a kibra algun bentana. Segun Omroep Brabant ta trata di dos supermerkado arabe i e eksploshon di ayera nochi ta un restorant sirio. Polis ta investigando si e eksploshon aki tambe ta trata di vürwerk. Polis ta konsiente ku ta trata di tres eksploshon den un negoshi den un siman. Ta investigando e insidentenan ku eksplosivo separa pero ta tene kuenta tambe ku tin un relashon, segun un bosero.