Back to Top
Vigilante banner image

Ekstenshon di orario di skol ta esensial pa oumentá kalidat di enseñansa


January 17, 2025 • 1 minüt pa lesa

E investigashon nan a trese basta klaridat dilanti.

Piscadera,– Dos investigashon a keda entregá durante e simposio di enseñansa na Banko Sentral. E promé investigashon a analisá kon pa promové igualdat den nos enseñansa i e segundo investigashon a analisá kon pa drecha kalidat riba un forma struktural.

Den e investigashon di kalidat básiko a bin resultá ku tempu na skol no ta keda usá riba forma efektivo. Segun investigashon nan anterior a sali na kla ku nos studiantenan ta risibí 30 minüt muchu tiki lès tur dia di nobo. Esaki tin di haber ku e kalor ku ta reina den e promé lunanan di e aña eskolar. Tambe a sali na kla ku debí na e problema struktural aki, klasnan regularmente ta kai atras ku nan kuríkulo, kual riba su turno ta bolbe afektá e kalidat di enseñansa. Na momentu ku invertí den sistemanan di èrko, e orei lo por usa e tempunan di e alumno nan skol muchu mas efektivo pa duna lès.

“E situashon físiko na skolnan no ta na un nivel adekuá ku e tempu ku alumnonan ta na skol ta ser usá riba forma efektivo”. E echo ku e tempu na skol no ta keda usa ku efektividat ta bini ku mas preshon na kas tambe, e investigashon ta agregá. Debí na e temou kòrtiku na skol (entre 7.30 pa 12.30), e dosentenan ta fòrsá pa manda e alumno kas ku tarea di skol. Sinembargo entrevistanan ku mayornan ta konfirmá e opservashon ku alumnonan ta risibí muchu hopi tarea pa kas debí ku e tempu na skol no ta efektivo.

Login