Momentu ku Pedro Calzadilla ta informá di e desishon i fecha nan importante.

CARACAS – E Konseho Elektoral di Venezuela a anunsiá den oranan di djaweps ku e próksimo elekshonnan munisipal i regional lo keda realisá dia 21 di novèmber próksimo.

Riba e fecha aki e pais lo elegí e gobernadornan, alkaldenan, legisladónan na konseho legislativo i konsehal munisipal.

E direktiva a tuma e desishon aki di forma unánime despues di e propuesta di kronograma elektoral ku a keda presentá pa e Hunta Nashonal Elektoral.

E presidente di e organismo, Pedro Calzadilla, a anunsiá e fecha nan klave di e kronograma elektoral.

Mas aleu a indiká ku e trabounan pa inskripshon i aktualisashon di datonan den Registro Elektoral, lo inisiá na luna di yüni próksimo i lo keda ekstendé te ku 15 di yüli.

E kandidatonan lo por postulá nan mes entre 9 i 29 di ougùstùs. Den mesun rosea a anunsiá ku dia 26 di sèptèmber lo realisá un simulakro di elekshonnan na nivel nashonal i e kampaña elektoral lo desaroyá entre 28 di òktober i 18 di novèmber.