Willemstad – Un trabou na Renaissance Wind Creek Curaçao Resort ta deseo di hopi persona, sinembargo e enfoke ta riba un personan dediká, disipliná i pashoná den e mundu di hospitalidat i casino. Essenshal ta e ambishon pa sirbi.

Renaissance Wind Creek Curaçao Resort ta un di e hotèlnan ku tremendo benefisio pa empleado na Kòrsou. Aki no mester pensa riba rekompensa finansiero so, sino riba e benefisio di pertenesé na un kompania eksitoso i ku ta kere den bo kresementu. E maneho ta, pa sigui desaroyá i kultivá un ambiente di trabou na unda positivismo, inspirashon, atenshon pa detaye, trabou den ekipo ta sentral. Ademas, pa Wind Creek Hospitality ta importante pa rekonosé esfuerso di su empleadonan. Manera p.e den e programa ‘Best Of The Best’ na unda ta premia ekselensia i trabou den ekipo di e empleadonan ku a sobresalí mas.

Angelo Martes, direktor di Rekurso Humano ta indiká, ku un empleado na Renaissance Wind Creek Curaçao Resort ta ‘miembro di un tim’, pa motibu ku nan ta kurason di e kompania. Esaki ta hasi ku ta dediká tempu pa forma e empleado segun standart di Wind Creek Hospitality, Renaissance, Starbucks i 5 O’clock ku ta hopi haltu den industria di hospitalidat i casino.  Wind Creek Hospitality ta sumamente orguyoso di tin un gran kantidat di miembronan di ekipo den tur área (hotèl i casino) ku desde inisio 15 aña pasá ta parti di e organisashon.

Forma parti di ekselensia, uni na nos tim; Bishitá nos Job Fair!

Tur esnan ku ta sinti nan mes yamá i inspirá pa traha na Renaissance Wind Creek Curaçao Resort  & Casino por akudí na un ‘Job Fair’ dia 1 di yüni, 2024 entre 10am i 3pm na Atrium, den e hotel mes of na Wind Creek Casino si tin interes pa traha den casino. Lo tin diferente oportunidat di trabou den posishonnan di nivel prinsipiante te na – liderazgo. Entre otro, tin kupo di trabou pa banquet server, pastry chef, chef de partie, room attendants, cocktail waiters, “green” dealers, slot technician, waiters, beach attendant, baristas, housekeeping supervisor i mas. Ta buskando koleganan pa traha tempu kompletu òf ‘part time’ ‘on-call’. Ta importante pa trese un CV i un karta di motivashon. Tuma nota ku kisas por tene un entrevista pa trabou mesora. Sera konosí ku Renaissance Wind Creek Curaçao Resort su tim dinámiko i haña sá mas tokante posishonnan vakante.  No perde e chens di bira parti di nos famia di hotel i casino i inicia un carera impreshonante.  Si mientrastantu ta deseá mas informashon por bishitá nos pagina di Facebook: Careers at Wind Creek Curaçao.