Back to Top
Vigilante banner image

ENNIA ta selebrá su 76-aniversario ku donashon di 10 mil florin


May 23, 2024 • 1 minüt pa lesa

GORSIRAWEG– – Djaluna 20 di Mei, ENNIA a selebrá su di 76-aniversario. Apesar di e desafionan ku a transkurí durante e último añanan, ENNIA ta  skohe pa demostrashon di empatia i yudansa na nos próhimo na selebrashon di e gran logro akí.

Den e kuadro di e selebrashon aki ENNIA a hasi entregá di un cheque simbóliko na balor di 10.000 florin na e organisashonnan VIBA i Plataforma Banda Bou, ku ta responsabel pa e rekonstrukshon di bibiendanan afektá na Banda Bou.  Riba 4 di Mei Kòrsou a eksperensiá un yobida torensial ku a okashoná gran daño na bibiendanan den área di Banda Bou. Ku un kantidat di 310 mm di awa, e yobida aki a superá inkluso e tormenta tropikal Tomas di aña 2010, ku a kousa 275 mm di awa i daño konsiderabel. Debí na e último yobida e habitantenan di Banda Bou a pèrdè gran parti di nan pertinensianan.

CEO na Ennia,  Lesley Ann Brodie a enfatisá ku e meta final di ENNIA den e último tres aña i pa futuro ta tradusí den e slogan “Huntu nos ta (sigui) move’” – bisando ku huntu nos por logra muchu mas. Komo un organisashon lokal, ENNIA ta balorá i stimulá inisiativanan lokal i organisashonnan, i ta yudá e komunidat pa minimalisá riesgonan manera esaki. Ku un kurason bèrdè ENNIA ta duna su kontribushon na nos komunidat i invertí pa un Kòrsou mihó i próspero.

Login