WILLEMSTAD,– Ernst Noorman ta Embahador di Reino Hulandes pa Colombia. Un di e temanan ku tambe a atendé den e mishon ta e importashon di karni for di Colombia pa Aruba. Aruba ta hasi difísil pa karni for di Colombia drenta Aruba. Ernst Noorman ku ta Embahador di Reino Hulandes a splika ku e ta un tema ku ta anda algun tempu kaba. E ta splika ku Aruba kier importá karni, pero Aruba mes ta pone reglanan estrikto.

Pa loke ta Kòrsou e ta bisa ku Kòrsou ta importá karni for di Colombia i ku Boneiru tambe ta hasi esaki.

Ta Aruba so tin reglanan estrikto. Embahador di Reino Hulandes a splika ku Aruba tambe por, pero ta dependé e restrikshonnan ku tin di Aruba mes. Pa importá bon karni di Colombia mester skohe e bon matadero. Hasi un inspekshon ku bo inspektornan di karni di i habri e posibilidat di importá karni for di Colombia di bon kalidat.

E ta sigui splika ku por ehèmpel na Aruba ta e Ministerio di Salú ta esun ku ta stroba e importashon di karni paso nan preokupashon ta e kalidat di karni. Tambe e ta splika ku Kòrsou no tin tur e restrikshonnan aki i ku ta hasi posibel pa e karni di Colombia por drenta na Kòrsou si. Ernst Noorman mes ta kere ku riba un aspekto di siguridat por importá e karni di Colombia. Bo mester konosé bon esun ku ta bende bo e karni na Colombia i di unda e ta prosedente. Mester mantené un bon relashon i hasi inspekshon regular na e matadero i asina bo sa sigur unda mester bai ku e importashon di karni. Hasi tur kos ku e siguridat nesesario ta loke Ernst Noorman a bisa finalmente.