Back to Top
Responsive image
E korant di pueblo

Etienne van der Horst: 1.262 petishon a keda desaprobá di kual 1.067 tabata haña e karchi sosial kaba


May 28, 2021 • 2 minüt pa lesa

Den akuerdo ku Hulanda van der Horst ta bisa ku Hulanda a bisa ku nan tin 5.2 mion euro pa lunanan di Mei i Yüni.

Willemstad,–  Un punto tambe ku señor Van der Horst a trese dilanti ayera durante rueda di prensa ta ku Gobièrnu tin su mes kriterionan i no ta bai usa esnan di Krus Kòrá. Por haña dos tipo di karchi, 300 pa luna òf 400 pa luna.

El a splika ku purba aserká tur kliente di Krus Kòrá mas mihó posibel. A drenta bario nan den koperashon ku Unidat di bario kendenan a drenta bario pa aserka e hendenan. A bai 9 bario i den esakinan a aserká  hendenan segun un skema di un siman kaminda e hendenan por a mèldu i a haña 1100 hende adishonal. Na tur a alkansá 4.376 persona i pues no a yega ainda e 6.100 di Krus Kora i p’esei tambe ta pidi e hendenan ku ta bini na remarke pa nan akudí na e wepsite pa apliká.

Di e 4.376 hendenan aki, 1.462 a keda aprobá kaba i tin 1.437 den tratamentu i 1.262 a keda desaprobá di kual 1.067 tabata haña e karchi sosial kaba i 1.097 tabatin un entrada kaba.

E ta splika ku nan kier yega na mas hende i ta spera ku den e dianan aki, pues despues di e rueda di prensa, mas hende lo bai apliká .

Señor van der Horst ta splika ku entrante ayera a aserka un kompania ku a pone 10 hende na disposishon pa evaluá e aplikashonnan i pa yama e hendenan ku no tabatin posibilidat pa apliká online, pero ku a yama pa bisa ku nan tin interes. Esnan ku entrada di ménos ku 640 florin pa luna, lo por apliká pa e yudansa. Ta spera pa otro siman djarason ku lo a evaluá tur aplikashon.

Den akuerdo ku Hulanda van der Horst ta bisa ku Hulanda a bisa ku nan tin 5.2 mion euro pa lunanan di Mei i Yüni, pero Kòrsou mester di 2.6 mion euro so i pues Hulanda a bisa ku nan ta dispuesto tambe na yuda yüli i ougùstùs. Señor van der Horst a splika ku ta bai evaluá si mester di yudansa pa luna di Yüli i ougùstùs.

Login