Back to Top
Vigilante banner image

11.870 hende tabata haña e karchi di Krus Kòrá di kual 5 mil ta personanan indokumentá


May 28, 2021 • 2 minüt pa lesa

Señor van der Horst a bisa ku Hulanda lo karga ku e gastu di e personanan indokumentá.

Willemstad.,– Sekretario general di e ministerio di Desaroyo Sosial ta splika ku no ta Krus Kòrá so, pero gobièrnu tambe tin su programa di alimentashon.

“Gobièrnu for di inisio tambe tabata bezig ku repartishon di produkto i despues na Mei a introdusí tambe e karchi pa tuma komestibel”, asina Etienne van der Hosrt a splika.

E ta bisa ku na yüni Krus Kòrá tambe a kuminsá ku esaki ku yudansa di Hulanda. E aña aki gobièrnu a firma un protokòl pa tuma e programa over for di Krus Kòrá, despues ku Krus Kòrá a partisipá na Hulanda ku nan kier stòp i e ora ei gobièrnu den palabrashon ku Hulanda a tuma over for di 1 di mei. E ta splika ku a negoshá un protokòl kaminda ta stipulá kiko kada ken tin ku hasi.

Pues entrante 1 di mei ofisialmente gobièrnu a tuma e servisio over i 3 di mei a kuminsá ku e sistema di registrá i apliká.

Señor van der Hosrt ta bisa ku esaki a bai asina paso Krus Kòrá internashonalmente tin regla ku nan no ta duna nan data nan, pues pa por a haña sa ken ta e klientenan di Krus Kòrá a habri e aplikashon kaminda e hende mester presentá ku su karchi di Krus Kòra pa apliká.

Krus Kòrá a yuda si, mandando un app na tur su klientenan pa subi e wepsite di gobièrnu i registrá.

Pues e servisio di Rode Kruis ta enserá karchi pa tuma kuminda. Tambe otro hendenan ku kier  karchi por apliká pa esaki.

Segun e sekretario general di e minister di desaroyo sosial, gobièrnu pues a tuma over tambe pakete di kuminda, tabatin 500 famia ku tabata haña pakete di kuminda i 11.870 hende ku tabata haña e karchi di kual 5 mil ta personanan indokumentá.

E lokual a palabra ku Hulanda ta ku entrante di 1 di mei gobièrnu ta tuma over e hendenan inskribí na Kòrsou. Esnan indokumentá na e momentunan aki Hulanda ta finansiá nan i dia promé di ougùstùs Kòrsou lo tuma nan over. A palabra tambe ku si no por karga e gastu, a palabra ku lo por fia plaka serka Hulanda.

Login