Medida pa resolve skarsedat remedinan.

NIJMEGEN—Fabrikantenan di remedi por hasi mas ganashi riba un grupo grandi di remedinan, segun minister Kuipers di Salubridat.

Minister Kuipers ta subi e preisnan máksimo di 4000 remedi ku 15%. Esaki lo kosta entre 12 pa 13 mion euro pa aña, segun Kuipers ta kalkulá. Ku esaki Kuipers kier hasi atraktivo pa fabrikantenan pa keda entrega na merkado hulandes. Pa hopi remedi e margen di ganashi ta abou. Fabrikantenan pa e motibu aki ta entrega na otro paisnan. Banda di problemanan di produkshon ku distribushon tin hopi skarssedat di remedinan pa pashentnan hulandes. Ta trata di remedinan ku merkado chiki, manera remedinan spesifiko den forma di likido enbes di pildora. Bogin, e organisashon di fabrikantenan di remedinan generiko ta kontentu ku e desishon di minister. Ta bon notisia pa e pashentnan segun e organisashon. E oumento di preisnan ta bira 20 sen pa kaha. Mester papia di otro problemanan tambe pasobra merkado ta yen di risiko. E limite di preis anual ta baha di 40 pa 20 mion euro pa kada remedi pa aña. Esaki ta nifiká ku pa gastu di 20 mion euro mester negosha e preis prome ku disidí na kubri esaki for di pakete básiko di seguro.