Back to Top
Responsive image
E korant di pueblo

Fase 3 di proyekto desaroyo di Marie Pampoen ta ofisial i kla pa inisiá


May 20, 2021 • 1 minüt pa lesa

WILLEMSTAD- Resientemente Minister demishonario di Desaroyo Ekonómiko, sr. Steven Martina a firma un akuerdo di ehekushon na nòmber di Gobièrnu di Kòrsou huntu ku direktor di Ofisina di Turismo di Kòrsou (CTB) sr. Paul Pennicook, pa e traspaso ofisial di fondonan pa e terser fase di e proyekto Área di Rekreashon Marie Pampoen.

Manera pueblo mes por a sigui e desaroyo último añanan a drecha hopi parti di infrastruktura na e área di Marie Pampoen. Tur esaki komo parti di e plan maestro pa hasié un área rekreativo ku aktividatnan ekonómiko pa pueblo di Kòrsou i abitantenan di Marie Pampoen i bisindario en partikular. Finalmente e área lo fungi tambe komo un produkto turístiko kaminda e turista por topa ku e hende lokal. E área ya a bira unu hopi popular i ta keda usá dor di nos komunidat pa diferente aktividat rekreativo, eventonan i deporte. Den e terser fase lo bai enfoká  riba e parti mei mei di e proyekto Área di Rekreashon Marie Pampoen. E fase aki ta enserá; un playa riba tera ku palapa, speeltuin, área di fitness den airu liber, un skate – fiets park, un pier, un vèlt di beach vòlibòl, tualèt, 3 kiosko pa negoshi chikí, landscaping, banki etc. 

Kordinashon di e proyekto ta den man di CTB i pronto lo bai kuminsá ku e  proseso di destaho públiko.

Login