Back to Top
Vigilante banner image

Festival bos di libertat na Brionplein


September 25, 2023 • 1 minüt pa lesa

WILLEMSTAD,—-No tin duda ku tur atenshon i konsentrashon lo bai ta riba Brionplein djasabra benidero, kaminda ku lo bai tin e promé Festival bos di libertat.

Ta asina ku tin un total di 20 kantante ta bai partisipá den e festival menshoná. Tin di e kantantenan ku ta partisipá, kende den pasado a yega di gana diferente festival. Esaki ta loke ku sigur ta bai hasi e festival di djasabra aki hopi interesante. Un orkesta di riba 40 músiko ta bai kompañá e 20 kantantenan.

Vigilante Farándula a haña di komprendé ku e festival aki, ta konta ku un buèlta so, kual ta nifiká ku kada kantante tin un oportunidat so pa presentá i nan tin ku perkurá di duna tur ku tin di nan parti.

Pues djasabra sigur tur hende lo bai ta sintá riba nan punta di stul, for di e promé kantante te ku esun number 20, pa despues e kuerpo di hurado retirá pa nan regresá ku e resultado final.

Mas ku klaro den e edishon di djaluna 2 di òktober benidero, e resultado lo bai ta den bo matutino preferí, ku luho di detaye.

Login