Back to Top
Responsive image
E korant di pueblo

Festival di Tumba ta generá 6.5 mion florin na konsumo


February 13, 2021 • 2 minüt pa lesa

WILLEMSTAD,—-Di akuerdo ku un estudio na UOC, tin 6.5 mion na konsumo durante Festivalnan di Tumba. Pa ta mas spesífiko, kasi 9 di 10 bishitante (88.8%) a indiká ku nan a hasi gastunan pa konsumo, algu mas ku un terser parti (36.03%) pa gastunan di parker i kasi 1 riba 10 (8.73%) na gastunan di transporte manera taksi, bùs, i/òf outo di hür. Ademas 4 di 10 bishitante (42.27%) a indiká ku nan a hasi gastunan relashoná ku kompra di paña i/òf sapatu, 3 di 10 (31.16%) relashoná ku kuido personal manera kapsalòn, manikür i/òf make-up.

Por último a resultá ku e bishitantenan di e Festival di Tumba 2020 a gasta un promedio di 323,38 ANG relashoná ku e evento akí. Ademas e konsumo kalkulá di e bishitantenan di e Festival di Tumba 2020 durante e siman di 26 te ku 31 di yanüari 2020 a sali 3.233.800,0 florin. Resultadonan segundo supgrupo.

Den e di dos parti di e investigashon a averiguá te na ki medida televidentenan a hasi gastu relashoná ku e wakmentu di Festival di Tumba na televishon. Relashoná ku e resultadonan a sali afó ku 3 di 10 televidente (28.9%) a invitá un òf mas persona pa wak huntu e Festival di Tumba na televishon. Mas aleu a resultá ku algu mas di 6 di 10 televidente (62.5%) a hasi gastu relashoná ku esaki. Mas òf ménos 4 di 10 televidente (42.1%) a indiká ku nan a gasta entre 0-15 ANG relashoná ku wakmentu di e Festival di Tumba na kas, mas òf ménos 2 di 10 televidente (18.9%) entre 51-100 ANG, kasi 1 riba 10 televidente (9.5%) entre 101-150 ANG, 7.1% entre 201- 250 ANG, 6.3% entre 151-200 ANG i solamente 3.7% a gasta mas ku 500 ANG.

Por último a resultá ku televidentenan di e Festival di Tumba 2020 a gasta un promedio di 128,48 ANG relashoná ku e evento akí. A base di esaki ta kalkulá ku e televidentenan di e Festival di Tumba 2020 a gasta un suma total di 3.212.000,00 ANG. Konklushon: e resultado nan relashoná ku e investigashon ta laga mira ku tantu e bishitantenan komo e televidentenan di e Festival di Tumba 2020 a hasi gastunan pa un suma konsiderabel relashoná ku e evento akí. A base di e ekstrapolarisashon ta kalkulá ku un total di 6.445.800,00 ANG a keda gastá dor di bishitantenan i televidentenan di e Festival di Tumba 2020.

Ademas e resultado ta sugerí ku e Festival di Tumba ta duna un impulso na e ekonomia di Kòrsou. O sea, e resultadonan aktual ta duna vishonnan/ideanan nobo ku mester keda diskutí mas aleu pa stimulá e ekonomia di Kòrsou, teniendo kuenta ku e realidat nobo (COVID-19) den kua nos ta biba. Tabel 1 Gastunan total di e bishitantenan di e Festival di Tumba 2020 Suma gasta (ANG) % n Gastunan total 0-50 4.7% 38 51-100 6.4% 51 101-150 12.2% 98 151-200 9.0% 72 201-250 10.1% 81 251-500 19.5% 156 >500 38.1% 306 Total 100% 802 Tabel 2 Gastunan total di e televidentenan di e Festival di Tumba 2020 Suma gasta (ANG) % n Gastunan total 0-50 42.1% 254 51-100 18.9% 114 101-150 9.5% 57 151-200 6.3% 38 201-250 7.1% 43 251-500 12.4% 75 >500 3.7% 22 Total 100% 603.



Login