Den pasado Maal tabatin hopi guera pa bende. Organisashonnan ambiental i fundashonnan ambiental supsidiá pa gobièrnu pa hopi aña a bringa pa opstakulisá famia Maal.

Ostpùnt— Manera publiká den Vigilante for di 11 di Mei último, Grupo Maal tabata negoshando pa bende parti di nan tereno na Ostpunt. Na promé instansha Willie Maal a ninga, pero ayera e la konfirmá ku Vigilante tabata demasiado tempran pa e por tabata konfirmá e notisia. Ayera, mediante un komunikado a keda konfirmá Fondo di Penshun Vidanova a kumpra parti di “tereno di Maal”.

Segun e komunikado, Fondo di penshun Vidanova ta kumpra parti di Ostpùnt. E fondo a kumpra e parti mas pa sùit di e terenonan na Ostpùnt, ku for di 1868 ta den man di famia Maal. Ta trata aki di un pida tereno di alrededor di 1000 hèktar. Segun Vidanova, en bista di e embergadura di e área, e kompra ta brinda un oportunidat úniko pa durante bastante aña garantisá un desaroyo ekonómiko i sosial fuerte, i responsablemente duradero. No solamente e desaroyo ei lo benefisiá e partisipantenan na e Fondo di penshun, pero tambe henter komunidat di Kòrsou. Na e momento aki i den e fase aki Vidanova ta limitá na e anunsio breve, pero na su debido tempu lo divulgá mas informashon di e plannan ku awor nan por sigui traha ariba

Ku e benta, Kòrsou ta na punto pa inisiá unu dje bentanan di bienes inmóbil mas grandi den último 30 aña. Dos siman pasa  Maal a bisa ku no tin nada definitivo. Semper tabatin interes i interesado serio pero grupitonan ku agènda skondí a trata i logra na stroba i opstakulisá tur kos. Tin masha hopi redu i informashon i inkorekto aparentemente”. Esei ta lokual Willie Maal a duna di konosé na Vigilante. Maal a splika ku tabatin diferente grupo pero nada no ta konkretisá. Awor si a keda konfirmá ku e benta a tuma lugá.

Den pasado Maal tabatin hopi guera pa bende. Organisashonnan ambiental i fundashonnan ambiental supsidiá pa gobièrnu pa hopi aña a bringa pa opstakulisá famia Maal di bende òf ehekutá proyekto riba e tereno. Un seri di kasonan den korte i apuntashon ilegítimo di zona ambiental na kosta sùit, tabata destiná pa e organisashonnan ambiental trata na ehersé nan propio negoshi di buseo i di turismo. Entre otro organisashonnan ambiental ta planeando un proyekto di buseo internashonal pa e área di Ostpùnt, sin konosementu di famia Maal.For di desèmber 2021, despues di un veredikto den korte sivil, Gobièrnu di Kòrsou a gana un kaso kontra di diferente di e organisashon, unda a duna outorisashon pa kambio den destinashon di e área. Tabata trata di un opheshon kontra di gobièrnu riba kambio den un dekreto ku ta trese kambio den e plan nashonal di parselashon i desaroyo. Segun e veredikto di wes Lanshage, un gran parti di e demandanan kontra di Gobièrnu tabata ilegítimo miéntras demas no tabatin un base legal. Esaki ta nifiká ku e modifikashon den e dekreto nashonal di desaroyo ta keda na vigor lokual a benefisiá grupo Maal komo terser parti i awor nan tabata por a kuminsá bende nan tereno.