Back to Top
Vigilante banner image

Fons Simon: Banco di Caribe ta fuerte i no tin ningun problema


June 8, 2021 • 1 minüt pa lesa

Willemstad,– E direktor di Banco di Caribe a splika ayera den medionan di komunikashon ku e banko tin un bon likides i hasta esaki ta kresiendo i pues e spardónan no mester tin ningun pero niun tipo di preokupashon.

El a splika tambe ku e echo di ku e banko lo kambia di doño ta algu ku ta pasa tur tempu ku tipo di empresanan asina i ku pues esaki lo no tin ningun konsekuensia pa e klientenan di e Banco. El a splika ku esaki hasta por i sa tuma lugá sin ku klientenan ta tuma nota mes ku tabatin kambio di doño.

Señor Simon a bisa ku Banco di Caribe tin komo doño Ennia Holding kual kompania ta bou di supervishon di Banko Sentral despues ku kos no tabata mustra bon pa Ennia na 2018. “En total Banco di Caribe tin mas o ménos 350 empleado entre Kòrsou Boneiru, Sint Maarten i Aruba”. Señor Simon a bisa pues ku tur e klientenan por ta sumamente trankil, paso no tin apsolutamente ningun problema ku Banco di Caribe i ku solamente nan lo kambia di doño.

Login