Back to Top
Vigilante banner image

For di 2018 Hulanda ta forsa pa Kòrsou kòrta den salario di ámtenar


April 4, 2022 • 2 minüt pa lesa

Raymond Knops: momentu Akuerdo di Kresementu a faya, Knops a kuminsá mobilisá pa trese Instituto Karibense, COHO i Pakete di Pais, unda ta insistí pa baha salarionan di ámtenar.

Punda— COHO i Pakete di Pais, den kuadro di bahamentu salarionan den aparato públiko, a kuminsá desaroyá for di 2018. I chèns ta hopi grandi ku e bahada lo tuma lugá durante siguiente 18 luna.

Tabata konforme Akuerdo di Kresementu, Kòrsou mester a entrega pa sèptèmber 2019 un plan pa modernisá su Aparato Públiko. Esaki mester tabata basá riba un evaluashon amplio riba e struktura di organisashon den gobièrnu. Hulanda a spera un diagnósis amplio di Kòrsou kon e aktual struktura di servisionan gubernamental ta riba papel i kon esaki ta funshoná den práktika.

Pero te ku 2020, ainda Kòrsou no a logra tuma e pasonan pa konkretisá. Pa mart 2020, Kòrsou mester a presentá un plan di atendementu. Abase di un evaluashon di prosesonan interno den e servisionan, mester a presentá lista di problema i kon tei solushoná esakinan. Hulanda tabata ke mira un solushon den efisiensia i efektividat na e servisionan. Tabata eks minister Armin Konket,  su ministerio no a logra presentá e plan di atendementu.

Pa mart 2020, mester a ehekutá un plan stratégiko di personal. Bolsa di salario di ámtenar tabata kostando Kòrsou alrededor di 500 mion florin anual. Esaki inkluso kondishonnan sekundario di trabou, prima di tardansa, penshun ets ets.. Hulanda a sugerí pa presentá un plan stratégiko di kosto, pa por haña un bista kon Kòrsou ta bai atendé ku e kostonan haltu atraves di aña. Tambe Hulanda tabata kier mira un modelo di pronóstiko riba desaroyo di e gastunan di personal. Pa novèmber 2019, , Kòrsou mester a presentá e plan pa yega na un Government Academy. Esaki tampoko no a bini kla. Pa 2022, ta programa gastunan di salario den gobièrnu bira 512 mion florin.

Login