Back to Top
Vigilante banner image

For di novèmber 2021 parlamento a trata e posishon di Dorothy Janga


March 6, 2023 • 2 minüt pa lesa

Punda—For di 25 di Novèmber 2021, Parlamento a trata e posishon di Janga, riba un karta ku e minister a manda pa para un proseso di korte kontra di eks miembronan di BZV. Janga, riba e fecha en kuestioná a konfrontá parlamento dunando un splikashon. 15 luna despues, e problema ta bini bek pa e minister ku atrobe ta bou di krítika i súplika di baha.

Tabata un karta ku minister di Salubridat Públiko, Dorothy Janga a manda pa miembronan di direktiva BZV den Likidashon, a bai Korte di Apelashon den un súplika pa posponé tratamentu, pendiente un investigashon ku e minister lo laga ehekutá. Ta trata sospecho di froude di eks miembronan den hunta di konseho na BZV.

Manera ta konosí, den BZV a bin konstatá bastante iregularidat, unda un direktiva transitorio a laga hasi investigashon riba pagonan kuestionabel den un kantidat di kasi 50 proyekto. Na promé instante, tabata trata di dos èks miembro di direktiva kende huntu ku un akountent Jourdain, mester tabata proseder pa pagonan riba proyekto tuma lugá, pero sin entrega kompleto di servisio. E kaso a yega asina leu ku aktual direktiva a entrega un kantidat di 6 keho na Ministerio Públiko, kual no a kondusí na un investigashon penal pero si a kondusí na tratamentunan i claim sivil

E sospechonan di froude a bin sali na kla despues ku riba 12 di mei 2012 a manda 97% di e bolsa di asegurado pa SVB. Apesar di e desishon pa traspaso tòg a sigui saka proyekto, 290 mil florin i 890 mil florin pa investigashonnan di efisiensia. En total ta sospecha ku BZV a paga e akountent Jourdain 5 mion florin durante un periodo di 2 aña. E akountent entre otro a protesta kontra di e akusashonnan di BZV i Korte di Apelashon a ordená pa posponé tratamentu di e kaso. Esaki tabata  pa duna chèns pa e apelantenan den e kaso (e.o. akountent) verifiká na informashon mas mihó. Prinsipalmente riba nan kostonan. Entretantu korte a kondena ámbos eks miembro den Hunta di Konseho i duna veredikto di bankarota pa e akountent.

Den karta riba 18 di Novèmber 2021, minister Janga a informá aktual miembronan di direktiva transitorio na BZV di ta bai instalá un komishon pa hasi un investigashon. Segun Janga, el a hiba un kombersashon ku eks direktiva i pone tur kos riba un liña. E minister a opiná ku aktual direktiva transitorio mester stòp tur proseso hurídiko kontra di miembronan di direktiva anterior, Abdalah Yarzagaray i eks akountent Jourdain. Tambe e minister tabata ke pa tene distansha for di e miembronan Abdalah i Yarzagaray konforme desishon di korte regardando nan derechinan i meskos ta konta pa e akountent Jourdain.. Minister Janga alabes a sugerí den su karta pa abogadonan di ámbos partido sinta na mesa kaduká tur proseder entamá kontra di e eks miembronan den Hunta di Direktiva na BZV.

E karta ku Minister di Salubridat Públiko a manda pa eks miembronan di Direktiva na SVB, a sirbi komo un dokumentashon na Korte Sivil den Apelashon kual korte tabata wardando pa pone un fecha nobo di tratamentu. Fuentenen a señalá ku abase di e karta, Yarzagaray, Abdalah i akountent Jourdain lo trata na súplika korte pa posponé tratamentu pendiente e investigashon di Minister Janga. Korte entretantu a tuma nan desishon i tur tres eks miembronan a keda kondena pa paga bek. E desishon di korte a trese Janga bek den polémika.

Login