FunMiles i su partnernan ta presentá e premio máksimo.

Willemstad- Awe FunMiles ta ranka sali ku e kampaña kaminda bo tin chèns pa gana un Honda HR-V, un aña di seguro di Ennia i hopi premio mas. Pa e kampaña aki FunMiles a invitá tur partner pa asina por revelá e outo ku lo bai rifa. Tambe durante e evenemento a splika kon tur hende ku tin nan karchi di FunMiles por registrá i partisipá.

E kampaña aki lo bai ta den forma di e wega “Scrabble” kaminda bo por kolekshoná lèternan pa asina plak nan riba e karchi di “Word Fun” i forma diferente palabra. E lèternan aki ta bini di kolo, pero tambe pretu ku blanku. Ademas, e palabranan lo ta nòmber di e diferente partnernan i tambe palabranan den e dikshonario di palabra ku ta pará patras di e karchi di “Word Fun”. Tambe tin un wega di bónus kaminda bo por registrá online i segun bo ta swaip  lo bo risibí lèternan digital pa asina bo por forma e palabra di siman.

Mas premio ku lo tin ta, entre otro, mil florin di ASO Gas, mil florin di bobcarwash, un armband di diamante di Freeport Jewelry, MCB su Kompa Leon giftcard, 1 minüt di kompras na Van den Tweel i tambe dos ticket pa bai St.Marten kortesia di JetAir. E kampaña aki ta bálido te ku 27 di yanüari 2022.