Back to Top
Responsive image
E korant di pueblo

Ganadornan di e Kampaña di Fin di Aña ta konosí!


January 16, 2021 • 2 minüt pa lesa

Willemstad –  Kooyman a saka e siman aki via medianan sosial e ganadornan di e Kampaña di fin di Aña “Kooyman, Where the Magic Happens” i a revelá  e kandidatonan p’e  ‘’Magical Box’’ reveal.

Den presensia di notario a rifa en total 23 premio; 20 kliente a gana un bòn di Kooyman balorá na Naf. 250,- i 3 kliente a pasa p’e final kompetiendo p’e “Magical Box” kual tabatin komo premio mayó un bòn di Kooyman di Naf. 7500,-.

For di fin di Novèmber tabatin 3 ‘’Magical boxes’’ den Kooyman, kada ‘’box’’ ku nan propio ènvelòp seyá ku premio. E premionan tabata di Naf. 3000,-, Naf. 4500 i Naf. 7500. E notario designá a determiná den ki sekuensia nos 3 klientenan por a skohe nan ‘’box’’. E promé na turno tabata pa sr. N. Cijntje, di dos pa sr. N. Basilo i por ultimo a toka turno na sr. E. Troeman.

E ganador di e premio mayó  (7500,-) n’e momentu mágiko tabata sr. N. Cijntje. E premio di Naf. 4500,- a ser ganá dor di sr. N. Basilo i e premio di Naf. 3000,- a ser otorgá na sr. E. Troeman.

Kooyman ke ekstendé un kaluroso Pabien na tur persona ku a partisipá na e kampaña i muy en espesial e ganadornan! E aña tras di lomba tambe e kampaña tradishonal di Kooyman  tabata un eksito rotundo.  E kampaña mágiko a tuma lugá manera tur aña na filialnan di Kooyman na; Barbados, Boneiru, Aruba i St. Maarten.  Kada un naturalmente ku nan propio ganadornan lokal.
Nos por ta orguyoso riba e aña pekuliar tras di lomba kaminda nos a sabi di sera e aña ku broche di oro. Nos ta ansioso pa risibí nos klientenan e aña aki tambe ku brasa habrí den un di nos filialnan.

E  20 klientenan ku a gana un premio di Naf. 250,- pa gasta na Kooyman ta: David Frans, R. Marchena, Jose Amarin, Dennis Spencer, Marisol Gutiérrez, K. Margaretha, Minerva Veeris, Ludwina Manuella, Shulaika Seferina, S.A.G. Dirks, Claifson Domacasse, Ingemar Jandroep, Jean E. H. Dania, Arlyzainny Zieck, Carlos Cijntje, Anthonij Joel, Jason van Lamoen, Alex de Rooij, Jose M Garcia, Yahaira Pinedo.

Login