Back to Top
Responsive image
E korant di pueblo

Gangnan ta para dilanti skol pa atendé ku alumno


March 2, 2021 • 1 minüt pa lesa

Willemstad-  Pa loke ta trata un situashon ku sigur ta halando atenshon ta kaminda ku gangnan ta bai para dilanti skolnan sekundario pa asina por atend’é ku un ke otro alumno. Na diferente okashon mester a tuma nota di e situashon i asta kosnan a sali for di man, poniendo ku mester a pidi asistensia  di polis.

 Vários ta e kasonan di menasa ku  ta keda registrá na skolnan unda  tin alumno ku no ke ni sali pa bai kas, paso tin gruponan para pafó pa atendé ku nan. Ora ku bai buska afondo pa sa ki ta e problema ta resultá kosnan ku por a atendé di un òf otro forma i ku no mester a yega na e ekstremo ei. Pa e lastu lunanan polis mester a bai na diferente okashon na skolnan sekundario pa atendé ku e situashonnan aki. Ta hopi bon pa mayornan kuminsá papia mas ku nan yunan pa sa ki ta e problema ku nan tin i asina buska solushon trempan. Ku esaki por hasi e alumno konsiente tambe ku si e tin problema pa mèldu trempan serka esnan konserní na skol pa por prevení den tur forma.

Login