GRONINGEN—Gasunie ku ta responsabel pa trasporte di gas den Hulanda no ta mira peliger den e reserva di gas den Hulanda.
Si t’asina ku preisnan di gas lo por subi si keda friu. Anteriormente e siman aki a bira konosí ku e reservanan di gas den Oropa a baha debí na tempu friu. Ta kosta mas energia pa tene tur kos kayente. Segun sifrana di Gas Infrastructure Europe e reservanan tabata 70% kompará ku 86% e aña promé. No a nombra sifranan pa Hulanda, pero segun Gasunie tin sufisiente gas di importashon lng, boramentu di gas den Hulanda i gas via pipanan. Gasunie ta mas dependiente di importashon di gas i un merkado Oropeo ku ta funshoná. Ainda gabinete tin 60 mion euro pa yuda famianan mas pober ku pago di nan kuenta.