Willemstad— En konekshon ku su kampaña spesial di fiansa Back 2 School, ACU a rifa un laptop nobo nobo entre su sosionan.Sosionan di ACU por a partisipá dor di pòst e rapòrt di nan yu(nan) ku a bai over i asina haña e chèns di gana e laptop.

Dia 17 di ougùstùs e felis ganadó Gershaynelli Marchena a bira konosí i dia 20 di ougùstùs presidente di ACU sr. Angelo Davelaar, Sales and Service Manager, sra. Nathalie van Sprang kompañá pa e kara di e kampaña aki, Tito Doran, a hasi entrega di e laptop na e hóben ganadó. Di e forma aki ACU ta sigui kumpli ku su prinsipio koperativista di aportá na edukashon di su sosionan i brinda un sosten na komunidat.