Willemstad,– E epidemiologo dòkter Izzy Gerstenbluth a bisa ku pa loke ta edat di personanan ku ta keda kontagiá ku Covid-19, esaki ta importante paso e grupo di edat avansá (65+) ta kai den e grupo di riesgo i ku e grupo aki tambe a subi siman pasa.

E ta splika ku e grupo di 65 plùs tabata haltu, pero bo ta mira ku no ta esun di mas haltu i e tambe ta bahando meskos ku e otro gruponan pa loke ta e siman aki.

Den e grupo di 65 plùs, siman pasa e kantidat den grupo a kuminsá baha i esaki ta importante paso e ta limitá ku mas hende ta drenta hospital.

Señor Gerstenbluth ta ripití ku e grupo di 65 plùs i e grupo mas yòn pero ku malesanan króniko ta e gruponan di mas rísiko.

“Si nos logra protehá e grupo vulnerabel aki, nos ta bon, pero nos no ta logra paso nos ta sali i bai kas pa pega nan”, pues dòkter Izzy Gerstenbluth.