Willemstad,– Dòkter Gerstenbluth a splika ku e kantidat di kasonan nobo pa dia, kuminsando 20 di ougùstùs a keda kambia.  E averahe ku ta move kada dia ta mustra ku poko poko e kantidatnan a kuminsá subi, pero awor el a kuminsá baha bèk.

“Pero wak por ehèmpel Hulanda, e tabata bai bon, nan a reflehá i el a bolbe subi. E ta bisa ku hende ta keda hende i bo ta hasi kos. Si e bolbe subi bo ta haña bo ta tuma medidanan mas fuerte. Pues tur hende huntu a bisa pa si bo por evitá, lo hasi mas tantu posibel pa evitá un lockdown. Si esaki bini ta meskos ku na Hulanda lo bo mester di dos periodo di 14 dia pa por wak e resultado, segun Izzy Gerstenbluth.

Tambe e ta bisa ku e bahada no ta nifiká ku mester kuminsá kanta Gloria. E ta bisa ku den fin di siman ta tèst ménos hende i pa kolmo tambe tabatin e blackout.

E ta bisa ku blackout a pone ku hopi hende no por a sali i esei a yuda, pero e ta splika ku no ku e ta aploudí blackout i ta spera ku lo no tin mas blackout.

Señor Gerstenbluth a bisa ku awor mester bai wak kiko ta bai pasa awor, pues ta muchu trempan pa bo kanta gloria. E ta bisa ku mester mantené e medidanan pa tene e kantidat abou i pues ban wak kiko ta bai pasa e siman aki.