Back to Top
Vigilante banner image

Gi-Ro Settlement Holding N.V. ta bai kuminsá hasi pago saldo di kuenta Girobank


April 21, 2021 • 1 minüt pa lesa

Willemstad/Philipsburg – Manera a ser anunsiá anteriormente, GI-RO Settlement Holding N.V. (GSH) ta atendiendo pago di e depósitonan riba kuenta di e klientenan di Girobank N.V. (Girobank).

 Na kuminsamentu di e siman akí, den kooperashon ku Girobank, a hisa e límite di fondo ku por lanta na Girobank te na un máksimo di NAf 1.200.000 pa kliente (despues di kita afó kualke pago di debe ku e kliente lo mester a hasi kaba na Girobank). Esei ta nifiká ku awor e klientenan por disponé di nan depósitonan riba kuenta te na e suma máksimo menshoná. Ta pidi e klientenan pa, mas tantu posibel, transferí nan fondonan via online banking i formulario di transferensia. Por lanta sèn na ATM tambe. Mester tene kuenta ku debí na e orario adaptá i e echo ku ta trahando ku personal limitá, e transakshonnan por dura mas ku normal. Girobank su orario adaptá ta di djaluna pa djabièrnè, di 8.00 pa 12.00. Por bishitá e filialnan solamente ku sita. Por traha sita via email na [email protected] òf telefónikamente na +599 9 433 9130. Pa mas informashon, por konsultá e página di Pregunta Frekuente (FAQ) riba wèpsait di Centrale Bank van Curaçao en Sint-Maarten: www.centralbank.cw/girobank-nv/frequently-asked-questions òf wèpsait di Girobank N.V.: www.girobank.cw. Pa pregunta, por tuma kontakto ku Girobank via [email protected] i [email protected], òf telefónikamente na +599 9 433 9130.

Login