WILLEMSTAD—Si elekshon pa direktiva di FFK a tuma lugá 27 dui yüli di 2024 e direktor saliente di CMC lo a keda skohe komo presidente nobo di FFK pa aklamashon.

E tabata e úniko kandidato ku a pone su mes disponibel p’e puesto di presidente di FFK den e elekshon ku mester a tuma lugá 27 di yüli di 2024. Pa lokual ta trata e elekshon di 10 di aprel awor, nos a keda informá ku Gilbert Martina a haña e firma nan di sosten. Komo ku e parti di postulashon a sera ayera 12:00 or di anochi, tabata imposibel pa nos sa si e tin un kontra kandidato e biaha aki. Nos a trata na drenta den kontakto ku e propio Gilbert Martina, pero no por a hañ’e na telefòn.

For di un prinsipio e la indiká si na Deporte Vigilante ku si e miembronan sostené pa e por postulá su mes pa bira e próksimo presidente di FFK ku lo e hasi esaki. Si atrobe no tin kontra kandidato e lo keda skohe pa aklamashon dia 10 di aprel i i asina a kombertí su mes den e di 4 presidente elekto di FFK for di 10-10-10. E promé presidente ku statüt nobo di FFK tabata Jean Fransisca kende a sinta di 2011 pa 2019. A sigui’e Shaheen Elhage. Su tras a bini Ramiro Griffith. Lo ta interesante pa sa kiko t’e plan ku Gilbert Martina lo presentá pa salba e loke ku  hasi ku futbòl di Kòrsou e último añanan. Manera ta konosí e problemanan den nos futbòl ta data di e kampeonato di 2021/22 ku no a terminá ainda.