Back to Top
Vigilante banner image

Gillord Pisas i Steve Martha ta rumbo pa Kòrsou


May 17, 2024 • 1 minüt pa lesa

WILLEMSTAD,—-For di Hulanda Vigilante Farándula a keda pone na altura ku Gillord Pisas i Steve Martha ta rumbo pa Kòrsou,kaminda ku e dos kómikonan “YDK” lo bai tin un presentashon aki na Kòrsou i nan presentashon lo bai ta otro siman djadumingu.

E dos aktor nan kómiko ta bai presentá den e obra ku ta hiba di nòmber “Para Dal”,esaki ta pa promé bia ku e dos artista nan ta bin presentá huntu aki na Kòrsou. Mester bisa ku Kòrsou sigur lo bai ta bon representá kaminda ku “Dibo-D” lo bai ta para mei,mei di Glillord Pisas i Steve Martha.

Ta asina ku na Hulanda si e tres artista nan kómiko nan menshoná a yega di aktua ku otro i esaki tabata un show ku tabata super bon bishita i esaki ta loke ku ta bai pasa tambe aki na Kòrsou otro siman djadumingu. Pa loke ta trata Gillord Pisas e no ta un deskonosí aki na Kòrsou,pero Steve Martha si ta kompletamente deskonosí aki na Kòrsou,pero na Hulanda si e ta super popular. Esaki ta bai buta ku hopi hende ke mira Steve den akshon aki na Kòrsou

Login