Back to Top
Vigilante banner image

Giselle Mc William: "Partido MAN ta solidario i ta di akuerdo ku 25%"


June 23, 2021 • 1 minüt pa lesa

Parlamentario Giselle Mc William a bisa ku e asuntu di 25% ta un proposishon ku e mes a bini kuné, pero ku e tempu ayá no tabatin masha sosten di partnernan di koalishon ku tabata PAR i PIN.

Willemstad,– Señora parlamentario Giselle Mc William den deklarashon na Vigilante a splika ku nan frakshon ta di akuerdo ku e 25% i e ta bisa ku ta algu ku promé ku e krísis di Corona Virus ku frakshon di MAN a proponé anto Covid a bini aden e kos a keda asina, siendo ku  esaki mester a bira un lei.

Señora Mc Williams ta splika ku semper frakshon di MAN a bisa ku nan ta solidario, pues solidario ku sobra di pueblo di kual hopi di nan ku ta pèrdè trabou, esunnan ku tambe ta entregá di nan parti pa nan por haña sosten di NOW , pues frakshon di MAN ta insistí ku e parti di solidaridat ta haltu den nan bandera. “Pa partido MAN e parti di entregá 25% ku nos ta hasiendo pa mas ku un aña kaba nos no tin problema kuné, manera ma bisa kaba e ta un proposishon ku a bini for di mi pèrsona promé ku nos a kai den e krísis di Covid-19”, asina parlamentario Giselle Mc Williams a splika. E ta sigui bisa ku promé ku e tabata minister el a bira parlamentario i pues e tempu ei no tabata muchu sosten di partnernan di koalishon i bo ta mira ku tambe hasta ora e proposishon aki a bini den parlamento hopi no tabata di akuerdo kuné. “Pero nos di MAN ta di akuerdo kuné pa e meta mas grandi ku ta e interes general” pues Giselle Mc William.

Login