Back to Top
Responsive image
E korant di pueblo

Gobiernu a chupa 78% di sosten fo’i Hulanda pa propio uzo


May 6, 2021 • 3 minüt pa lesa

Nada: sektor komersial sin aktividat na Korsou.

Punda—Gobièrnu di Kòrsou a uza 78% òf mas di 670 mion florin di sosten ku Hulanda manda Kòrsou durante 2021. Esaki ta lokual por konkluí  for di lokual sifranan di 2020 ta indiká kombiná ku lokual Cft a presupuestá i tambe presentashon di minister Steven Martina. E suma a bira trópiko di diskushon den komunidat komersial di Kòrsou.

Segun Steven Martina ta trata di 107 mion pero na 2020, Cft tabata papia di 127 mion florin. Manera ta konosí Hulanda durante 2020 a manda un kantidat di 4 tranche di finansiamentu pa totalisá 670 mion florin. 127 mion a bai na finansiamentu di fondo pa sosten na negoshi i mantenshon di empleo (NOW) i pa sosten gastunan fiho tabatin presupuestá un suma di 24 mion florin. En total di 670 mion sektor komersial a risibi 150 mion florin kual ta 22%. Demas 78% gobièrnu a kubri su gastunan operashonal manera kréditornan, primanan atrasá, salarionan i demas debe atrasá. E programa di NOW tabata pa mantené kuponan di trabou, pero ku 150 mion florin esei tabata imposibel. Segun e último enkuesta di CBS, desempleo a oumentá na Kòrsou prinsipalmente te bou di hóbennan i yega alrededor di 43%. E sifranan eksakto tampoko no ta konosí kuantu kompania por a mantené empleo via di NOW. Gobièrnu di Kòrsou a paga NOW i keda sin midi. Anke e siman aki minister Steven Martina a konfirmá ku a laga hasi ouditorio i tur buki a kuadra. Entre sifranan di Cft (127 mion) i di MEO (107) mion tin un diskrepansha anke ainda pa 2021 MEO i BAB ta pagando NOW abase di finansiamentu durante 2020.

Efektonan ku impakto di Covid tabatin riba negoshi chikí entre aprel 2020 pa desèmber 2020 ta deskonosí. E sifranan ta importante pa determiná si e.o. maneho di NOW (Fondo di Sosten) tabata bon distribuí i kon gobièrnu por yuda empresanan chikí mas mihó. Prinsipalmente e kompanianan den Horeca i Turismo. Riba esaki ainda ta kuestionando i Martina no a duna informashon si e dokumentashonnan a yega parlamento tampoko. Segun CBCS, e total di personanan empleá a baha di 61,547 persona na 2019 te 57,050 persona na aña 2020. E bahada di kasi 4,500 persona ta e resultado di oferta i demanda riba e merkado laboral. E sifra aki ta duna e bista real di e impakto ku e desaroyonan ekonómiko riba nos isla, inkluyendo desaroyonan a konsekuensia di COVID-19, tabata tin entre òktober 2019 i òktober 2020. Tin un subida tambe di e total di persona ku aktivamente ta buskando trabou. Esaki a subi di 12,992 persona na aña 2019 pa 13,442 na aña 2020. Segun definishon internashonal ku CBS tin ku usa pa por kompará sifranan di Kòrsou ku otro pais, por kalifiká un persona komo unu ku ta buska trabou solamente si e persona ta buskando aktivamente (solisitando) i lo por kuminsá denter di 2 siman si e haña un trabou. Pa e motibu ei ta mira un subida leve den e kantidat di persona ku ta buskando trabou, kontrali na loke a spera. Por lo tantu, e sifra di desempleo a subi na aña 2020 bira 19.1% kompará ku 17.4% di aña 2019.

Partisipashon laboral na Kòrsou, ku ta e parti di poblashon empleá i esun ku ta buskando trabou aktivamente, a baha di 74.539 te 70.492 na aña 2020. Esei ta un bahada di 4.047 persona. Si nos mira esaki komo parti di e poblashon di 15 aña bai ariba, nos ta mira ku partisipashon a baha di 59.7% na 2019 pa 56.4% na 2020. Promé ku Covid a drenta na mart aprel 2020, Kòrsou ta konta  ku forsa laboral di 73 mil persona. Entre e kantidat ta konta 4 mil ámtenar ku por lo pronto, no mester di sosten pasobra fondonan risibi di Hulanda a garantisá nan salario, anke Hulanda a imponé un kondishon pa gobièrnu baha 20% di su gastunan.

E tarea pa gobièrnu pa mantenshon di salario ta alrededor di 27.00 persona. Un alternativa imposibel pa mantené. E diskushon aktual ta kon sektor komersial tei sobrebibí sin aktividat ekonómiko debí na restrikshon imponé pa gobièrnu di Kòrsou debí na Covid-19.

Login