Back to Top
Vigilante banner image

Gobièrnu lo bini ku un Steker pa indiká ku ta kumpli ku norma


May 29, 2021 • 2 minüt pa lesa

Willemstad,– Segun Maharo Isenia di e direktorado do komunikashon di gobièrnu, meta prinsipal pa introdukshon di e aplikashon ta pa krea un sentido di komprenshon i konsientisashon den nos komunidat pa kuida di nos mes i di otro.

Esaki ta enserá komprenshon pa esun ku no a bakuná ainda, esun ku no ke bakuná i meskos pa esun ku si a bakuná.

E ta bisa ku ta garantisá privasidat di kada kliente/bishitante, e úniko informashon ku ta relevante pa e dunadó di servisio, ta si e kliente/ bishitante ta “good to go”. E aplikashon ta den desaroyo kaba.

STEKER

Un otro tema ku a bini dilanti durante e asamblea segun señor Maharo Isenia ta asuntu di un steker. E steker lo mester fungi komo insentivo pa:

  1. Dunadó di servisio haña un rekonosementu ku nan ta kumpliendo ku e normanan.
  2. Yuda promové ku e ambiente ta ‘safe” paso nan ta kumpli ku tur e normanan i instrukshonnan.

E steker no ta un insentivo ku ta keda otorgá sin ku ta kontrolá mas. Ta bai atendé kuné manera ta e kaso ku kontròlnan di “ijkwezen”.
E sektornan ku a demostrá interes i kaminda ta bai introdusí e steker aki ta:
-Fishinan di kontakto (barbero, kásalòn, hasidó di uña i wènkbrou).
-Restorantnan.

Data Transparente:
Vários sektor a trese dilanti e nesesidat pa hasi data mas transparente i aksesibel, esta krea un ‘dashboard’ digital na indikadónan ku lo yuda pa hiba un mihó maneho i proposishonnan mas balansá ku por yuda identifiká entre otro e posibel retonan den e sektor ekonómiko sosial.

Gobièrnu ta bai identifiká a korto plaso, kual ta e indikadónan k por hasi aksesibel pa ámbos sektor i hiba kòmbersashonnan atrobe ku e sektornan relevante pa asina stipulá e indikadónan nesesario i yuda krea un mihó balansa den tomo di desishon.

Login