Segun promé Minister Gobièrnu no a hasi distinshon entre bakuná i no bakuná.

Willemstad— Segun promé minister Gilmar Pisas, pa Gobièrnu e tópiko hasi un distinshon entre personanan bakuná ku esunnan no bakuná no a bin dilanti na niun momentu so.

Nos ta mará na tratadonan komo ku nos ta den reino i komo tratadonan sigur tin e parti di ku no mag di diskriminá, anto na momentu ku bo basa bo mes riba esei ta pone ku no mag di hasi distinshon entre bakuná i no bakuná. Pisas a bisa. Minister a indiká ku tabatin asta kasonan den korte unda ku wes tambe a indiká mesun kos.

Ta stimulá mas tantu hende posibel pa bai bakuná i awor aki a bai asina leu ku asta esunnan ku a bakuná tambe ta lamentá debí ku nan kiermen ku nan a bai bakuná i awor nan tambe mester wòrdu será pa motibu di esunnan ku no a bakuná. Pero e diskriminashon ei awor aki no tin un base pa ku esaki, kiermen pa Gobièrnu e tópiko di ku mester bai hasi un distinshon no a bin dilanti na niun momentu so.